Tibetdə 7,1 ballıq zəlzələ olub, 126 ölü FOTO/YENİLƏNİR

19:05

Çinin Şiqatse şəhərində baş verən 6,8 bal gücündə zəlzələ nəticəsində ölənlərin sayı 126-ya çatıb.

Təbii fəlakət nəticəsində azı 188 nəfər xəsarət alıb.

***

12:22

Çinin Tibet bölgəsində baş verən 7,1 bal gücündə zəlzələ nəticəsində ölənlərin sayı ən azı 95 nəfərə çatıb.

Bu barədə Çinin dövlət mediası məlumat yayıb.

Zəlzələ nəticəsində 130 nəfər xəsarət alıb.

***

09:20

Bu gün səhər saat 9:05-də (Pekin vaxtı ilə) Dinqri qraflığında baş vermiş 6,8 bal gücündə zəlzələ nəticəsində 53 nəfərin öldüyü, 62 nəfərin isə yaralandığı təsdiqlənib.

***

09:11

Çinin cənub-qərbində yerləşən Tibet Muxtar Rayonunda (TMR) güclü zəlzələ nəticəsində ölənlərin sayı 32-yə çatıb, 38 nəfər yaralanıb.

Bu barədə “Xinhua” məlumat yayıb.

Daha əvvəl ABŞ Geoloji Xidməti Nepal sərhədində TMR-də 7,1 bal gücündə zəlzələnin baş verdiyini bildirmişdi. Zəlzələnin episentri təxminən 80 min əhalisi olan Şiqadze şəhərindən 163 km cənub-qərbdə, ocağı isə 10 km dərinlikdə yerləşib.

***

Çinin cənub-qərbində yerləşən Tibet Muxtar Rayonunda (TMR) güclü zəlzələ nəticəsində azı doqquz nəfər həlak olub.

Bu barədə Çin Mərkəzi Televiziyası məlumat yayıb.

Bildirilib ki, təbii fəlakət bir çox binanın dağılmasına səbəb olub. Yerli iqtidar axtarış-xilasetmə əməliyyatları üçün resursları səfərbər edib. Təkrar yeraltı təkanların baş vermə təhlükəsi ilə əlaqədar əhalinin təxliyəsi həyata keçirilir.

Daha əvvəl ABŞ Geoloji Xidməti Nepal sərhədində TMR-də 7,1 bal gücündə zəlzələnin baş verdiyini bildirmişdi. Zəlzələnin episentri təxminən 80 min əhalisi olan Şiqadze şəhərindən 163 km cənub-qərbdə, ocağı isə 10 km dərinlikdə yerləşib.