Ukrayna Krım köprüsünü yenə partlatdı FOTO / YENILƏNIB

19:00

Krım körpüsündə nəqliyyatın hərəkəti bərpa edilib. Bu barədə yerli Telegram kanalı körpüdəki əməliyyat vəziyyəti barədə məlumat yayıb.

***

17:10

Krım körpüsü gün ərzində ikinci dəfə hücuma məruz qalıb.

Bu barədə Rusiyanın yerli teleqram kanalları məlumat yayıb.

Bildirilib ki, hücum pilotsuz dəniz dronları vasitəsi ilə həyata keçirilir.

Hazırda Krım körpüsündə nəqliyyatın hərəkəti müvəqqəti dayandırılıb.

***

15:58

Ukrayna Təhlükəsizlik Xidməti Krım körpüsünə bu dəfə su altında üçüncü zərbə endirdiyini təsdiqləyib. Departamentdən verilən məlumata görə, partlayış bu gün səhər saat 04:44-də (Bakı vaxtı ilə 05:44) baş verib.

Yükün gücü trotil ekvivalentində 1100 kq idi. Partlayış nəticəsində dayaqların sualtı hissəsi zədələnib və hazırda obyekt qəzalı vəziyyətdədir.

 Ukrayna Təhlükəsizlik Xidməti (SBU) vurğulayıb ki, əməliyyat bir neçə ay ərzində hazırlanıb və mülki əhali arasında itki yoxdur.

"Krım körpüsü tamamilə qanuni hədəfdir. Düşmən ondan qoşunların köçürülməsi üçün maddi-texniki arteriya kimi istifadə edir. Krım Ukraynadır və işğalın istənilən təzahürü bizim sərt cavabımızı alacaq", - SBU rəhbəri Vasil Malyuk bildirib.

Bu hücum artıq ardıcıl üçüncü idi.

- 2022-ci ilin oktyabrında körpü artıq yolun hərəkət hissəsini və dəmir yolu hissəsini zədələyən ilk partlayışı yaşadı.

- Daha sonra 2023-cü ilin yayında dəniz pilotsuz təyyarələrinin hücumu baş verdi və bu da nəqliyyat dəhlizinin fəaliyyətini pozdu.