ANSTV
ANSÇM
Şimali Kiprdə baş verən gəmi qəzasında bir cəsəd də tapılıb
Bu barədə "TRT Haber" məlumat yayıb
1 dəqiqə
Ötən bazar günü Girne sahillərində sərnişin gəmisinin aşması nəticəsində itkin düşən 20 nəfərin axtarışı davam edir. Şimali Kipr Türk Respublikasının Baş naziri Ünal Üstel daha bir nəfərin cəsədinin tapıldığını açıqlayıb.
Baş nazir Üstel, 50 yaşlarında kişi sərnişinə aid olduğu düşünülən cəsədin şəxsiyyətinin müəyyən edilməsi üçün Nikosiyadakı Burhan Nalbantoğlu Xəstəxanasına göndərildiyini və axtarış işlərinin davam etdiyini bildirib.
Şimali Kipr Türk Respublikasının Girne Limanı ilə Mersinin Taşucu Limanı arasında marşrut üzrə hərəkət edən "Filo Jet" yüksək sürətli sərnişin gəmisi bazar günü günortadan sonra Girnedən yola düşdükdən qısa müddət sonra burnundan su çəkməyə başlayıb.
Gəmi Girne Limanına qayıtmağa çalışarkən aşıb. 241 nəfər xilas edilib, 8 nəfərin cəsədi tapılıb və itkin düşmüş 20 nəfərin axtarışı başlanıb.
